लुम्बिनीमा सेतो परेवाहरुको
आर्यघाट बनाउने
एउटा घोषणा पत्र लिएर
चर्चहरुमा आकाश
हाम्रा लागि मात्रै कायम होस भनी
प्रभु समक्ष आबेदन गरिएको छ ।
खै ! सुने कि सुनेनन् परमेश्वरले
र धावा बोलिदै छ
बिचारहरुमा पर्खाल लगाएर
भित्र चित्तको अनन्त जीवन पाउन
बाटा नदेखेकाहरु
देख्न बेक्कार अल्मलिदै खिईरहेछन् ।
किनकि यसरी मृत्युको लिला मेटिदिने औकात
पिता परमेश्वरसित बाहेक
अरु कुनै ईश्वरहरुसँग छैन
भन्ने तुलनात्मक भ्रमले फिदा बनाईरहेछ
संसारका अनेक मानिस
र
भयङकर अविस्वासहरु जन्मने
अफिमको मदमा खाडल खनिरहेछन्
सायद प्रभू रिसाउछन्
या खुसाउछन्
थाहा छैन
सत्य कुरा रात र दिन बाहेकले
के थाहा पाउन सक्लान
उकालो पछि ओरालो हुन्छ
जीत पछि हार
यही ईतिहाँसले लेख्छ
नुन नखाउ त कस्ले के गरिन्छ ?
हो अब नुन खाएर
अन्न खाएर बाँच्ने प्राणीको
अधिकार सुरक्षित गर्ने बाटो
ईश्वरहरु रोज्नु पर्छ
यो महान सेवामा जुट्नु पर्छ
सबभन्दा महङगो धर्म यही हुने छ ।